هشام بارجاء

بسم الله الرحمن الرحيم

السلام عليكم ورحمة الله واسعد الله اوقاتكم بكل خير وسعادة

تصحت بعض المنتديات صباح هذا اليوم واتفاجئ بهذه القصيدة الجميلة المعبرة واسمحوا لي بنقلها الى هنا واتمنى ان تنال اعجابكم فعلا كما نالت اعجابي

=================================================

سبحان من يرزق بتوع الملاييـن
…………………. الرازق اللي ما يخيب الرجـا بـه

 

 

لي عم عنده معـرضٍ للصواليـن
………………….أموت واعرف بس من وين جابـه

 

 

وإذا سألته قـال بعـت الدكاكيـن
………………….ما يدري إني ما هضمت الإجابـة

 

 

الشاهد إني رحت له قبـل يوميـن
……………………في قصره العامـر ودقيـت بابـه

 

 

قال أرحب أرحب عدّد ورد البساتين
…………………….يا مرحبا باللـي لفـا يـا هلا بـه

 

 

قلت البقا عـدّ النفـل والرياحيـن
………………..يا شيخ شمل أهل الكرم والذرابـه

 

 

 

 

 

قال اسلم الله يحفظك لي من العين
…………………….وآمر أوامر حضرتـك مستجابـة

 

 

قلت الصراحة طالبٍ قرب غاليـن
…………………….. ودي تزوجنـي كريمتـك يـابـه

 

 

ثنّى وقال أهليـن والله وسهليـن
……………………والكون ترخص لجل عينك رقابـه

 

 

لكن ترا عندي شـروط وقوانيـن
…………………قلت اشرط اشرط يا حبيب الغلابـة

 

 

قال أولاً مهر العروسـة ثمانيـن
…………………….غير الرسوم وغير حق العصابـة

 

 

والثانية عمك يبي منـك سبعيـن
…………………….رسم الأبـوّة والنسـب والقرابـة

 

 

وأم العروسة حقها منـك ستيـن
……………………عشانها ست الحسـن والمهابـة

 

 

وإخوانها كلن يبي منـك خمسيـن
……………………..عداً ونقـداً تنـدرج فـي حسابـه

 

 

وخواتها الخمس عطهن من ثلاثين
……………………..عشان تتوثـق عـروق النسابـة

 

 

وتجيب طقم عيار واحد وعشرين
……………………وخاتم من الماس المصفى ترابـه

 

 

وأكياس متروسة كعوب وفساتيـن
………………………..ألوانهـا وأشكالهـا مـا تشابـه

 

 

وموتر بسواقـه وفيـلا بدوريـن
……………………….أثاثهـا مـن بطرتـه ينحكـى بـه

 

 

واحجز لنا قاعة بقصر السلاطيـن
…………………………واحجز بهـا رقاصتيـن وربابـه

 

 

هذي الشروط اللي على بالي الحين
……………………وذكرني اللي ما حسبنـا حسابـه

 

 

قلت اذكر الله يا عـدو المساكيـن
………………………واستغفـره لا يبتلـيـك بعـذابـه

 

 

الظاهر إنك منت عارف أنا ميـن
…………………….أنا لو أرقى فـوق متـن السحابـه

 

 

ما جبت حتى نص درزن مواعيـن
…………………….واضحك بكيفك واعتبرهـا دعابـة

 

 

شروطكم هذي شـروط المجانيـن
………………………شروطكم شغـل ابتـزاز ونهابـه

 

 

شروطكم تقصم ظهـور البعاريـن
………………………..شروطكـم همّـن وغـم وكآبـه

 

 

شروطكم والله سيوف وسكاكيـن
……………………….تذبح بنات المجتمع مـع شبابـه

 

 

وين الرضا والعطف واليسر والليـن
……………………….اللي ذكرهـا الله بمحكـم كتابـه

 

 

وين الصفات اللي أمرنا بها الديـن
…………………….وين اختفى نهج النبي والصحابـة

 

 

يا عم جعل اللي خلقنا من الطيـن
…………………………يرد عقلك مـن خطـاه لصوابـه

 

 

ويجعل نصيبي عند غيرك قل آمين
………………………..ويحسن عزا الصابر ويجزل ثوابه

 

 

قال أنت لو فكرت تفكير صاحيـن
…………………..ما شفت في مجمل شروطي غرابه

 

 

حنا بعصـر العولمـة والمزاييـن
…………………….. ماهوب عصر الفلسفة والخطابـة

 

 

الناس تسعى للرتـب والنياشيـن
………………………وأنت اهتمامك بالشعـر والكتابـة

 

 

والشعر ما ينفعك لو هو دواويـن
………………………..ما دام جيبك مثـل بيـت الخرابـة

 

 

يا بوك لا تسمع كلام المصاخيـن
…………………….واسأل مجرب عاش في وسط غابه

 

 

قلت الله أكبر يا محـرر فلسطيـن
……………………..من يسمعك يحسبك ذيـب الذيابـه

 

 

تراك شايب رأس مالـك رياليـن
…………………………والبنت ما تسوى جنـاح الذبابـة

 

 

قال انقلع مالت على وجهك الشين
…………………………..لا عاد أشوفـك عندنـا يالزلابـه

 

 

قلت ابشر أبشر لكن الباب من وين
……………………….وأقفيت من عنده على صوت بابـه

 

 

 

اتمنى ان تنال اعجابكم فعلا واتمنى الاهم وهو تسهيل امور الزواج وليس تعقيدها حتى يسعد العروس والعريس بحياة اسهل <<<<<< الاتصالات السعودية ههههههه

ارحب بتسجيلكم في موقعي ليتم تزويدكم اولا باول بكل ما هو جديد من المواضيع

دمتم بكل اولد والاحترام